Syekh Puji?
Nu kasebut jalma normal pasti boga rencana jeung
cita-cita, hayang bagja embung sangsara pangpangna di rumah tangga. Henteu mung
lahir wungkul tapi batinna oge kedah kacumponan. Milih pasangan pibatureun
hirup teh lain sakadar bogoh kana dedeg pangadegna wungkul, tapi kudu diitung
syarat-syarat anu sejenna, eta mah boh milih pipamajikeun atawa pisalakieun.
Kitu garis badagna dina urusan rumah tangga.
Urang kedah terang heula naon ari tujuan nikah teh.
Kajadian ngambah rumah tangga nincak dina yuswa can cukup umur, tangtu
harepanana rumah tangga oge sarua, hayang tinemu jeung kabagjaan. Dina sareat hukum
islam hakekat nu jadi sarat nikah teh nyaeta cumpon kana sarat rumah tangga nu
bakal pibagjaeun.
Sanajan ceuk fiqih sarat nikah tos jelas, tapi
hakekatna mah nu bade rumah tangga teh kedah terang heula kana tujuan nikah.
Pan dina Undang-undang Perkawinan oge tos aya watesan yuswa istri minimal 16 taun pameget 19 taun. Ayeuna mah
justru nikah can cukup umur teh jadi tren rumaja kiwari. Ngahariwangkeun pisan.
Kumaha upama dipatalikeun jeung pertikahan Syekh
Puji? Sanajan hukum nikah nu dilakukeun Syekh Puji ceuk sareat mah sah, tapi
bakal pimadoroteun. Alatan nikah ka umur 12 taun dasarna Kangjeng Rosul, eta
mah lepat ngalarapkeunana. Da, pertikahan Kangjeng Rosul mah ka Siti Aisyah eta
mah kalebetna hukum husus nu istimewa pikeun Kangjeng Rosul saperti husus nikah
leuwih ti opat kali. Geus cumpon sarat dumasar kana hukum islam pikeun umat
Rosul, nyaeta ukuran dewasa (terang kana tujuan
nikah), upama istri umurna tos 16 taun. Eta teh minimalna.
Pikeun nyegah rumah tangga nu pasalia samodel
sababaraha kajadian, dina era globalisasi ieu kudu aya gawe bareng antara para
ulama jeung Komnas HAM anak, supaya sinergi. Sabab, upama ninggal tina sisi hukum,
pertikahan samodel Syekh Puji henteu tiasa diputuskeun kitu-kitu wae. Paling
oge tina diputuskeun alatan ngalanggar HAM anak tea. Kitu deui dina gerakan
da’wah masalah-masalah rumah tangga kudu bener-bener pangajaran hukum islamna,
ngarah urang ngarti makna nikah anu sabenerna.
0 komentar:
Posting Komentar